話說自從翻咗學之後不久，就開始咳和流鼻水，斷斷續續看過很多次醫生都斷唔到尾。最後抱著一試無妨的心態，拜會咗屋企樓下個中醫。第一次見面，醫師叔叔叫熙熙攞隻手出來把脈，然後叫他伸條脷仔出來看看。醫師說他是肺熱，開咗兩剤苦茶，看看情況如何再回去覆診。

到底個仔肯唔肯飲D苦茶呢?????

大家都估佢唔肯飲,於是就我地兩老就自編自導自演咗一場戲,目的是騙個仔飲咗碗苦茶。

道具:大家樂珍珠奶茶杯一個

（媽咪攞住杯可樂色的飲品，正在飲，仲好似好好飲咁）

爸爸:『媽咪,你飲緊乜咁好味呀？』

媽咪:『可樂。好味。』

爸爸:『有可樂飲都唔預我同熙熙?有無搞錯呀?』

(呢個時後,熙熙就跑過來想搶咗杯"可樂")

媽咪:『唔比，唔比 (一邊話唔比一邊就拿拿聲塞咗杯嘢比熙熙)』

之後熙熙就坐係沙發“嘆”佢杯可樂。因為剤藥有糖冬瓜，所以應該唔太苦。

飲完今次之後，第二日我地改用檸檬茶個盒實行我地嘅詭計，又成功咗。好彩阿仔都幾容易騙。。。。

因為中醫唔係一兩剤藥就搞掂，所以以後我地飲所有飲品都會留翻過盒以備不時之需。